Bashkëkryetari i VLEN-it, Izet Mexhiti, gjatë një interviste në emisionin Agora në Almakpress, ka komentuar çështjen e shumëdiskutuar të rikthimit të emrave të mëparshëm të rrugëve dhe sheshit në Tetovë. Sipas tij, problemi nuk lidhet me ndryshimin e emrave, por me mosplotësimin e procedurave ligjore nga ana e ish-ekzekutivit të udhëhequr nga BDI.

“Ndryshimet kanë ndodhur në kohën e Hazbi Likës, i cili në marrëveshje me këshilltarët e VMRO-DPMNE-së i ka bërë ato. Gabimi është se ekzekutivët e BDI-së nuk e kanë parë të rëndësishme ta sjellin pëlqimin në Qeveri, që ato emra të jenë legalë dhe të dalin edhe në dokumentacion”, deklaroi Mexhiti.

Ai theksoi se mosmiratimi i këtyre emërtimeve në procedurat përkatëse institucionale ka bërë që ato të mos fitojnë status të plotë ligjor.