Kryetari i Komunës së Çair, Izet Mexhiti, ka deklaruar se në këtë komunë mbi 70 rrugë mbajnë emra të figurave dhe ngjarjeve të historisë shqiptare, ku përfshihet edhe rruga që mban emrin e Lëvizja Popullore e Kosovës (LPK). Sipas tij, këta emra janë vendosur duke ndjekur të gjitha procedurat ligjore dhe figurojnë në dokumentet zyrtare të qytetarëve. Mexhiti i është drejtuar liderit të BDI-së, Ali Ahmeti, duke i bërë thirrje që të heqë dorë nga “manipulimet me emrat e rrugëve” dhe të bashkohet në promovimin e rrugës që mban emrin e LPK-së në Çair, duke theksuar rëndësinë e respektimit të vendimeve zyrtare dhe trashëgimisë historike në hapësirën publike.