Ministri i Bujqësisë, Pylltarisë dhe Ekonomisë së Ujërave, Cvetan Tripunovski, njoftoi se janë publikuar pesë thirrje publike për dhënien me qira të tokës bujqësore në pronësi të shtetit me sipërfaqe mbi tre hektarë. Sipas tij, ky hap përfaqëson përmbushjen e një prej premtimeve për vënien në funksion të çdo hektari të tokës bujqësore në dobi të fermerëve. Tripunovski theksoi se në kuadër të Thirrjes Publike nr. 01/26, që përfshin rajonet e Manastirit dhe Prilepit, pas rreth 20 vitesh përparësi në ndarjen e tokës do të kenë blegtorët, me synim zhvillimin e mëtejshëm të blegtorisë si një nga degët më të rëndësishme të bujqësisë. “Të gjithë bujqit e interesuar mund të informohen për kushtet në njësitë rajonale të Ministrisë. Së bashku krijojmë bujqësi më të fuqishme dhe më të qëndrueshme”, deklaroi Tripunovski.