Deputeti i LSDM-së, Fatmir Bytyqi, ka kritikuar qasjen e Qeverisë ndaj çështjeve identitare, duke deklaruar se një nga padrejtësitë më të thella ndaj qytetarëve maqedonas është krijimi i bindjes se veçantia maqedonase duhet të ruhet përmes frikës. “Një nga padrejtësitë më të thella të Qeverisë ndaj bashkëqytetarëve të mi maqedonas është teza se veçantia maqedonase duhet të ruhet me frikë, e jo me vetëbesim”, ka shkruar Bytyqi. Sipas tij, identiteti dhe veçantia kombëtare duhet të mbështeten mbi siguri dhe besim, e jo mbi pasiguri.