Maqedonia e Veriut sot do të përfshihet nga mot me diell dhe temperatura të larta, ndërsa gjatë pasdites dhe mbrëmjes pritet paqëndrueshmëri lokale me shira të rrëmbyeshëm, bubullima dhe erëra të forta. Në disa zona nuk përjashtohen stuhi të izoluara të shoqëruara me breshër. Temperaturat do të lëvizin nga 12 deri në 37 gradë Celsius. Në Shkup pritet mot me diell dhe shumë i ngrohtë, me vranësira të lehta deri në mesatare. Gjatë pasdites, në pjesë të luginës mund të ketë reshje të rrëmbyeshme, bubullima dhe erëra të forta, ndërsa temperaturat do të lëvizin nga 16 deri në 35 gradë Celsius.