Ligjvënësit francezë po përpiqen të gjejnë një kompromis për projektligjin që synon ndalimin e përdorimit të rrjeteve sociale nga fëmijët nën 15 vjeç, me synimin që masa të hyjë në fuqi në fillim të vitit të ri shkollor, në shtator. Koha është e kufizuar për shkak të afrimit të pushimeve verore të Parlamentit. Një komision i përbashkët, i përbërë nga shtatë deputetë dhe shtatë senatorë, pritej të punonte për arritjen e një marrëveshjeje që projektligji të mund të votohej brenda javës. Megjithatë, procesi është komplikuar pasi Komisioni Evropian ka vlerësuar se versioni i fundit i projektligjit nuk është plotësisht në përputhje me legjislacionin e Bashkimit Evropian.