Analizat laboratorike kanë zbuluar ndotje serioze mikrobiologjike të ujit të pijshëm në Gostivar, me prani të lartë të baktereve koliforme dhe rritje të kolonive bakteriale. Ekspertët paralajmërojnë se këto rezultate mund të tregojnë ndotje të sistemit të furnizimit me ujë dhe rrezik për shëndetin e qytetarëve. Në një nga mostrat është konstatuar edhe nivel i lartë i klorit rezidual, mbi kufijtë e rekomanduar. Situata kërkon kontrolle të menjëhershme, verifikim të burimit të ndotjes dhe masa për garantimin e sigurisë së ujit për konsum.