Ambasada e Mbretërisë së Bashkuar në Prishtinë ka reaguar pas zhvillimeve të fundit lidhur me shtatë prokurorët serbë, dorëheqjet e të cilëve janë dekretuar pas refuzimit të rikthimit të tyre në sistemin e drejtësisë. Britania e Madhe ka shprehur shqetësim për situatën dhe ka kërkuar integrimin e komunitetit serb në institucionet e drejtësisë, duke vlerësuar se përfshirja e të gjitha komuniteteve është thelbësore për forcimin e besimit të qytetarëve. “Ne bëjmë thirrje për integrimin e popullsisë shumetnike të Kosovës në sistemin e drejtësisë, në mënyrë që të forcohet besimi i publikut në institucionet e sundimit të ligjit në Kosovë”, thuhet në reagimin e ambasadës britanike, e cila i ka konsideruar dorëheqjet masive të gjyqtarëve, prokurorëve dhe stafit administrativ në vitin 2022 si “një hap prapa”. /Klankosova.tv