Presidenti i FIFA-s, Gianni Infantino, ka hedhur poshtë kritikat ndaj organizimit të Botërorit 2026, duke mbrojtur mënyrën se si u menaxhuan çështjet e vizave, udhëtimeve dhe sigurisë gjatë turneut. Ai pranoi se pati raste të veçanta me vështirësi në hyrje dhe procedurat e vizave, por argumentoi se këto nuk duhet të errësojnë pjesëmarrjen e miliona tifozëve nga e gjithë bota. “Ju përmendët disa persona të cilëve iu refuzuan vizat dhe anashkaluat miliona të tjerë që u miratuan nga të gjitha pjesët e botës”, tha Infantino, duke shtuar se “futbolli bashkon botën”. Në mesazhin e tij, kreu i FIFA-s e cilësoi turneun si një ngjarje të sigurt dhe pa incidente madhore, duke deklaruar se pati “zero incidente, zero armiqësi, zero dhunë, vetëm gëzim, emocione, lumturi dhe unitet”. FIFA, ndërkohë, kishte zhvilluar më herët takime me Federatën Iraniane të Futbollit për çështjet organizative dhe pjesëmarrjen e kombëtares iraniane, e cila e zhvilloi bazën e saj në Tijuana të Meksikës. Infantino ka mbrojtur gjithashtu vendimet e FIFA-s lidhur me çështjet disiplinore dhe gjykimin, duke u bërë thirrje kritikëve që të fokusohen te roli i futbollit në bashkimin e njerëzve. Botërori 2026 u zhvillua në SHBA, Kanada dhe Meksikë, me 48 kombëtare pjesëmarrëse.