Një tërmet me magnitudë 3.5 ballë është regjistruar pasditen e 2 gushtit në zonën e Elbasanit. Lëkundja sizmike është regjistruar rreth orës 14:28 dhe është ndjerë në qytetin e Elbasanit dhe në zonat përreth. Sipas të dhënave paraprake, epiqendra është lokalizuar rreth 4 kilometra në juglindje të Elbasanit, ndërsa thellësia e vatrës sizmike raportohet të ketë qenë rreth 5 kilometra. Deri në këto momente nuk raportohet për persona të lënduar apo dëme materiale. Sipas të dhënave të publikuara, tërmeti është lokalizuar në koordinatat 41.08 N dhe 20.11 E, rreth 37 kilometra në juglindje të Tiranës.