Një aksident me pasoja fatale është regjistruar mbrëmjen e së mërkurës në Durrës, ku një këmbësor 64-vjeçar humbi jetën pasi u përplas nga një automjet. Ngjarja ndodhi rreth orës 21:45 në lagjen nr. 15 të qytetit. Sipas të dhënave paraprake, automjeti që drejtohej nga shtetasi me iniciale D. N. ka përplasur këmbësorin Xh. Zh., 64 vjeç. Si pasojë e dëmtimeve të marra, ai ndërroi jetë. Drejtuesi i automjetit është shoqëruar në Komisariatin e Policisë, ndërsa grupi hetimor, në bashkëpunim me Prokurorinë, po vijon veprimet për të dokumentuar rrethanat e aksidentit dhe për të përcaktuar shkakun e tij. Burimi: Top Channel