Ministri për Marrëdhënie Ndërmjet Bashkësive në Qeverinë e Republikës së Maqedonisë së Veriut, Agon Ferati, zhvilloi takim me ambasadoren e Republikës Federale të Gjermanisë, Petra Drexler, ku në fokus të bisedës ishte forcimi i bashkëpunimit institucional dhe mbështetja e proceseve reformuese në vend. Gjatë takimit u diskutua për rolin e Ministrisë për Marrëdhënie Ndërmjet Bashkësive në zhvillimin institucional, avancimin e dialogut ndërmjet komuniteteve dhe përfshirjen më të madhe të të rinjve në proceset shoqërore. “Gjermania mbetet partner i rëndësishëm për reforma dhe zhvillim institucional”, theksoi ministri Ferati, duke vlerësuar mbështetjen e vazhdueshme të Republikës Federale të Gjermanisë për perspektivën evropiane, stabilitetin demokratik dhe zhvillimin e qëndrueshëm të Maqedonisë së Veriut. Takimi u zhvillua në frymën e bashkëpunimit dhe shkëmbimit të qëndrimeve për avancimin e mëtejshëm të marrëdhënieve institucionale mes dy vendeve. Burimi: Ministri për Marrëdhënie Ndërmjet Bashkësive në Qeverinë e Republikës së Maqedonisë së Veriut, Agon Ferati.