Ambasadori i Republikës së Shqipërisë, Petrit Malaj, ka takuar sot kreun e partisë Aleanca, Ardian Gjini. 

Siç njoftoi Malaj në Facebook, në takim u bisedua për zhvillimet aktuale politike në vend si dhe rrugën euro-atlantike të Kosovës. 

Njoftimi i plotë: 

Sot në Prishtinë zhvillova një takim me z. Ardian Gjini, Kryetar i Aleancës, me të cilin diskutuam mbi zhvillimet aktuale politike e institucionale në Kosovë, me vëmendje të veçantë te procesi i ndërtimit dhe funksionalizimit të institucioneve.
Biseduam gjithashtu për sfidat e sigurisë, zhvillimet në rajon dhe perspektivën euro-atlantike të Kosovës.
Në këtë kontekst, theksova se Shqipëria do të vijojë të mbështesë Kosovën dhe proceset e saj institucionale e euro-atlantike, në funksion të forcimit të demokracisë, stabilitetit dhe bashkëpunimit rajonal.