Mesfushori kroat Ivan Rakitiq këtë verë do të largohet nga Barcelona dhe karrierën e tij do të vazhdojë te Sevilja. Sipas të përditshmes “Mundo Deportivo”, skuadra e Barcelonës ka rënë dakord për dëmshpërblimin në vlerë prej 10 mln euro. “

Në klub janë shumë të kënaqur nga Rakitiqi dhe nga sjellja e tij në këto 6 vite në Barcelonë. Për këtë arsye klubi dëshiron që ta ndihmojë në zgjedhjen e mjedisit të ri,” shkruan “Mundo Deportivo”.

Kroati në periudhën 2011-14 regjistroi 117 paraqitje për Seviljën, duke shënuar edhe 27 gola.