Selin dhe DJ Gimbo vijojnë të jenë një nga çiftet që tërheqin vëmendjen e publikut me mënyrën e tyre të veçantë për të shprehur dashurinë.

Këtë herë, një moment i vogël nga komunikimi i tyre privat ka përfunduar në Instagram Story. Selin ka publikuar disa pjesë nga bisedat që ka zhvilluar me partnerin e saj në WhatsApp, duke zbuluar edhe një detaj mjaft të ëmbël nga raporti mes tyre.

Në një prej mesazheve, moderatorja, me dozën e saj të zakonshme të humorit, tregon se i dërgon vazhdimisht foto Gimbos dhe se nuk ngurron ta pyesë herë pas here: “A jam e bukur?”.

Përgjigjja e DJ-it ka qenë e shkurtër, por plot përkëdheli:

“Po, ti je e bukura ime, oj Selinë moj”.

Nuk është hera e parë që dyshja ndan me publikun momente që tregojnë afrimitetin mes tyre. Gimbo është parë edhe gjatë performancave të tij duke komunikuar me Selin përmes videocall-it, ndërsa moderatorja ka folur në intervista të ndryshme me shumë dashuri për partnerin e saj.

Pikërisht këto momente të thjeshta, qofshin në publik apo në komunikimin e tyre privat, japin një tjetër pasqyrë të marrëdhënies së afërt dhe të ngrohtë që Selin dhe DJ Gimbo kanë ndërtuar së bashku.