Jennifer Lopez vijoi turin e saj të Javës së Modës në Milano, teksa të mërkurën u largua nga hoteli ku po qëndron në qytet.

Këngëtarja 57-vjeçare tërhoqi vëmendjen me një veshje elegante, e përbërë nga një fund i shkurtër me printe leopardi, një pardesy në të njëjtin stil dhe taka të larta.

Jennifer e kompletoi pamjen me një çantë të zezë dhe syze dielli, ndërsa përshëndeti fansat teksa po nisej për një tjetër ditë të mbushur me modë.

Paraqitja e J-Lo vjen pasi ajo ishte ndër yjet kryesore që mbërritën në eventin Vogue World të martën në mbrëmje.

Këngëtarja tërhoqi të gjitha vëmendjet me elegancën e saj tipike hollivudiane, duke ekspozuar linjat e saj në një fustan të zi me dekolte të theksuar nga Dolce & Gabbana.

Fustani, në stil korseje dhe pa rripa, u kombinua me doreza elegante transparente, një varëse të spikatur në ngjyrë argjendi dhe smeraldi, si dhe këpucë me majë që i shtuan edhe më shumë gjatësi.

Me shumë gjasë, Jennifer do të marrë pjesë të mërkurën edhe në sfilatën e Brunello Cucinelli. Ajo dhe ish-bashkëshorti i saj, Ben Affleck, kanë qenë prej kohësh fansa të kësaj shtëpie mode.

Ndërsa të premten, Jennifer do të udhëtojë drejt Kanës, në Francë, për ceremoninë e NRJ Music Awards.

Këngëtarja është e nominuar së bashku me emra të njohur si Harry Styles, Ariana dhe Bad Bunny, për të përmendur vetëm disa prej tyre.

Një javë më parë, Jennifer u fotografua duke u stërvitur në Santa Monica dhe ka folur shpesh për përkushtimin që i kushton rutinës së saj të fitnesit.

Në një intervistë për Extra në qershor, ajo tha:

“E dini që do të jeni para kamerave. Duhet të jeni të përgatitur... si në palestër, ashtu edhe duke u ushqyer siç duhet.

Bëhet fjalë për të ngrënë shëndetshëm dhe për të zgjedhur ushqimet e duhura, për të ushtruar dhe për të qenë të qëndrueshëm. Këto janë gjëra që i them gjatë gjithë kohës.”

Ajo i kushton gjithashtu rëndësi ushtrimeve me pesha, në mënyrë që të mbajë muskujt të fortë. Në një intervistë për CBS Mornings, Jennifer shpjegoi se tani ndjek një rutinë stërvitjeje që është “më e zgjuar, jo më e vështirë”.

Jennifer shtoi:

“Kjo është diçka për të cilën mendojmë shumë unë dhe trajnerët e mi. Është si të thuash: ‘Tani kam 40 minuta për ty dhe duhet t’i shfrytëzojmë në maksimum’, dhe pikërisht këtë bëjmë.”