Përfaqësuesja e Institutit Republikan Ndërkombëtar (IRI) për Maqedoninë e Veriut, Ana Alibegova, ka zhvilluar një takim në ambientet e Qendrës Analitike 'Abdilaqim Ademi", ku është pritur nga drejtoresha Fatjona Geci.

Gjatë takimit u shpreh mirënjohje për mbështetjen e vazhdueshme të IRI-t ndaj Qendrës Analitike, ndërsa diskutimet u përqendruan te bashkëpunimi i ardhshëm dhe nismat që synojnë përfshirjen dhe fuqizimin e grupeve të ndryshme në shoqëri.

Në veçanti, në fokus ishin Forumi Rinor, Forumi i Grave dhe realizimi i hulumtimeve të opinionit publik, me synimin që diskutimet dhe proceset vendimmarrëse të mbështeten gjithnjë e më shumë në të dhëna dhe analiza.

Takimi u vlerësua si një hap në vazhdimësinë e bashkëpunimit mes dy institucioneve, me theks te fuqizimi i të rinjve, avancimi i rolit të gruas në shoqëri dhe krijimi i hapësirave për një pjesëmarrje më të madhe në proceset shoqërore dhe vendimmarrëse.

Roli i Ana Alibegovës si Program Manager e IRI-t në Maqedoninë e Veriut është i dokumentuar edhe në burime publike.