Aurela Gaçe ka reaguar sërish në rrjetet sociale, këtë herë duke iu përgjigjur drejtpërdrejt disa komenteve që lidhen me zhurmën e krijuar ditët e fundit rreth videove intime që po qarkullojnë online.

Në një postim ku njoftonte se do të jetë në Londër më 4 tetor, këngëtarja është përballur me një koment provokues nga një ndjekëse, e cila shkroi: “Po po, mezi po presim të gjithë të dalë dhe videoja jote”.

Gaçe nuk ka zgjedhur ta injorojë komentin, por i është përgjigjur: “Prit zemër, vetëm do presësh mbas videos së mamit dhe gruas tënde”.

Në të njëjtën linjë ka qenë edhe një tjetër përplasje në komente. Pyetjes me ironi “Kush e ka organizuar Adi?”, këngëtarja i është përgjigjur shkurt: “Motra jote”.

Reagimet e fundit vijnë vetëm një ditë pasi Aurela Gaçe mohoi publikisht çdo përfshirje në materiale intime, duke i cilësuar pretendimet si të pavërteta dhe duke paralajmëruar se do të ndërmarrë hapa ligjorë ndaj shpifjeve.

Kësaj here, këngëtarja ka zgjedhur një tjetër mënyrë për t’iu përgjigjur situatës, duke mos i lënë pa përgjigje komentet provokuese në rrjetet sociale.