Nga Vendi
26 August 2020
Vazhdon seanca për rastin “Shënjestra-Fortesa”

Me prezantimin e dëshmitarëve sot në Gjykatën penale Shkup, vazhdon gjykimi për lëndën “Shënjestra-Fortesa” ku mes të akuzuarve të parë janë ish-ministrja e Punëve të Brendshme Gordana Jankullovska dhe ish-njeriu i parë i policisë sekrete, Sasho Mijalkov.

Në seancën e djeshme për këtë lëndë dëshmuan ekspertë nga sektori i telekomunikimit i cili gjatë periudhën të vitit 2008-2015 si persona për mbështetje kanë pasur qasje deri tek sistemi për ndjekjen e komunikimit në DSK të MPB-së.

 

I punësuari në Erikson Telekomunikime Maqedoni, dëshmitari Momir Maletiq, si dëshmitar i propozuar nga prokuroria, tha se 28.10.2016 ishte bërë hulumtim të sistemeve me kërkesë së PSP-së, gjegjësisht pas këtij kontrolli të cilin e ka kryer eksperti i eriksonit është konstatuar se janë arkivuar serverët e LIIMS.

Sipas aktakuzës, përmes tri sistemeve për ndjekje të komunikimeve në DSK, në periudhën prej vitit 2008-2015 në mënyrë joligjore janë ndjekur 4.286 numra telefonik për të cilët aspak nuk janë dhënë urdhra gjyqësor.

Komunikimi është ndjekur para se të dorëzohen dhe pas përfundimit të kohëzgjatjes së vlerës së urdhrit gjyqësor me numër 1.541 ose gjithsej 5.827 numra telefonik. Janë përgjuar mbi 20 mijë qytetarë.



Të ndryshme
Më shumë
Ngushëllime dhe ndihmë nga vendet e rajonit dhe BE-së, për kapërcimin e pasojave 9 September 2021
Paga mesatare për muajin korrik ishte 28.540 denarë21 September 2021
Arbër Ademi:Pozitiv me Covid 1923 July 2020