Nga Bota
21 June 2021
Krijuesi i Sputnik V paralajmëron për pasojat e mosvaksinimit

Alexander Guíntsburg, drejtori i institucionit shkencor që krijoi vaksinën ruse Sputnik V, ka paralajmëruar personat që nuk vaksinohen ndaj Covid-19.

Ai kritikoi disa epidemiologë që thonë se ata që e kalojnë koronavirusin në mënyrë natyrale, janë më të mbrojtur.

“Nuk arrij dot ta kuptoj se si mund ta thuash këtë gjë. Si mundet që një ekspert të thotë se kur sëmuresh, je më i mbrojtur. Kur infektohesh, mund të të krijohen probleme në disa organe. Gjithashtu, rekuperimi mund të vijë pas 6 muajsh, që janë shumë. Nuk e di njeri nëse problemi të shkaktohet në tru, në mëlçi apo në mushkëri”, tha Guíntsburg.

Rusia vijon të promovojë fuqishëm vaksinimin e popullatës, duke organizuar edhe shorte për të vaksinuarit. Kryebashkiaku i Moskës, Serguei Sobianin, njoftoi të dielën se ata që do të marrin dozën e parë të vaksinës, do të jenë pjesë e një shorti ku do të mund të fitojnë makinë. Për një muaj, do të dhurohen 5 makina me vlerë mbi 10 000 euro, sipas kryebashkiakut.

Të dielën, në Rusi u regjistruan 14 723 raste të reja me koronavirus, me gjysmën e tyre të shënuar në Moskë.



Të ndryshme
Më shumë
Nesër vendimi final për vitin e ri shkollor10 August 2020
Historia e trishtë e gruas nga Skënderaj që nuk lindi fëmijë: Ia gjeta burrit gruan e dytë21 October 2021
Tetovë, ja nga sa këshilltarë kanë fituar partitë politike18 October 2021