Drejtorja e Drejtorisë së të Ardhurave Publike, Sanja Lukarevska, në konferencë për shtyp tha se 5.537 qytetarë kanë dhuruar paratë nga kthimi i TVSH-së në sektorin shëndetësor.

Ajo thotë se në periudha të vështira kur shteti është ballafaquar me krizë ekonomike dhe shëndetësore nga coronavirusi, aplikacioni “TVSH-ja ime” ka dëshmuar edhe aspektin humanitar.

“Me ndryshime ligjire, përdoruesve të “TVSH-ja ime” u ofruam opsion për donacion dhe jam krenare që një pjesë e tyre e shfrytëzuan, nga ku 5.537 qytetarë e kthejnë TVSH-në dhe e dhuruan në sektorin shëndetësor prej 5.8 milionë denarë”, theksoi Lukarevska./

Ndryshe, kthimi i TVSH-së për muajt prill, maj dhe qershor përfundoi dje në mesnatë, ndërsa tani ka nisur kthimi i TVSH-së për tre muajt e ardhshëm.

/Telegrafi/