Nga sot në 6 vende të Ballkanit Perëndimor nis zbatimi i projektit Roaming Free, përfshirë këtu Republikën e Maqedonisë së Veriut, Kosovën, Shqipërinë, Serbinë, Mali e Zi dhe Bosnjë e Hercegovinë.

Qytetarët e vendeve të lartpërmendura do të mund të komunikojnë me pa pagesë shtesë, njëjtë si në vendet amë.

Këtë informatë në faqen e tij zyrtare në facebook e ka shpërndarë zëvendëskryeministri i parë dhe ministër për Sistem politik dhe marrëdhënie ndërmjet bashkësive, Artan Grubi.