Nga Bota
7 July 2021
Qëllohet 5 herë reporteri holandez i krimeve, po lufton për jetën

Gazetari holandez për raportimin e krimeve, Peter de Vries, i njohur për ekspozimin e botës kriminale, është qëlluar dhe plagosur rëndë në një rrugë të Amsterdamit.

Kryetarja e Amsterdamit, Femke Halsema, tha: “Ai është plagosur seriozisht dhe po lufton për jetën. Ai është një hero kombëtar për të gjithë ne. Një gazetar i rrallë, i guximshëm, që në mënyrë të palodhshme ka kërkuar drejtësi.”

Sipas raportimeve të medieve lokale, De Vries është qëlluar pesë herë, përfshirë një goditje në kokë. Policia e rrethoi vendin e ngjarjes afër sheshit “Leidseplein” përderisa oficerët filluan të mblidhnin dëshmi.

Gazetari De Vries është i njohur për punën e tij hulumtuese pas rrëmbimit të njërit prej njerëzve më të pasur në Holandë, Freddy Heineken, më 1983.

Ai fitoi një çmim ndërkombëtar Emmy më 2008 për punën e tij hulumtuese rreth zhdukjes së adoleshentes Natalee Holloway në Aruba.

Agjencia e lajmeve, ANP, raportoi se kryeministri Mark Rutte pritet të dalë me deklaratë pas takimit me zyrtarët e lartë të sundimit të ligjit pas sulmit ndaj gazetarit.



Të ndryshme
Më shumë
Digjen katër kamion në Butel të Shkupit27 August 2020
Arrestohen dy polic në Shqipëri, kërkuan para dhe seks për kthimin e automjetit 4 July 2020
Kryeministri i Pakistanit përsëri fajëson gratë për dhunimet seksuale: Po veshin pak rroba, burrat s’janë robotë25 June 2021