Deputetja e PDK-së, Ganimete Musliu, e ka quajtur demagog dhe diferencues politik kryeministrin Albin Kurti

Këto deklarata Musliu i ka bërë në seancën e Kuvendit ku po diskutohet për 100 ditëshin e Qeverisë Kurti.

“Një kryeministër që pa fije turpi, familjarët tonë i kategorizon si gjymyshgji dasmash, kurse familjarët e bashkëpartiakëve të tij si ekspertë eksellentë të të gjitha fushave. Pra kemi të bëjmë me një demagog dhe diferncues të tmerrshëm politik“, ka thënë Musliu në seancë.

“Albin Kurti gjatë fushatës thoshte se ai do të ishte kryeministri që do të jetonte njëjtë si pjesa dërmuese e qytetarëve, kurse militantët e tij propagandonin jetesën e tij në një banesë me qira, si veti dalluese nga kryeministrat tjerë, kurse sot kemi një kryeministër që banon në një alamet shtëpi me një qera të kontestueshme”, ka thënë Musliu.

Ajo është shprehur se Qeveria Kurti është një dështim, dhe këtë sipas saj e di edhe një fëmijë në djep.