Presidenti serb, Aleksander Vuçiq pritet të takohet me 25 nëntor me Vladimir Putinin në Moskë, thotë mediumi “Sputnik” dhe transmeton “Telegraf.rs”.

Sipas këtij medium, dy presidentët do të takohen dhe për temë kryesore do të kenë Kosovën, çmimin e gazit dhe krizën aktuale të gazit në Evropë, transmeton Reporteri.net.

Takimi i fundit mes Putinit dhe Vuçiqit ishte vitin e kaluar, kur president serb mori pjesë në 75 vjetorin e fitores kundër fashizmit në Luftën e Dytë Botërore.

Pas aksionit të Policisë së Kosovës në Veri të Mitrovicës kundër kontrabandës së mallarave, Aleksander Vuçiq mblodhi në Rashkë politikanët serb të Kosovës./Reporteri.net/