Ylli i kombëtares shqiptare dhe një nga futbollistët më në formë të momentit, Nedim Bajrami, ka vizituar Tetovën, ku u prit nga kryetari i Komunës, Bilall Kasami. Vizita e futbollistit kuqezi vjen në prag të Kampionatit Evropian “Euro 2024”, ku Shqipëria pritet të përballet me sfida të mëdha.

Gjatë takimit, Kasami dhe Bajrami diskutuan mbi situatën aktuale të kombëtares shqiptare, përgatitjet për ndeshjet në Euro 2024, si dhe sfidat që i presin kuqezinjtë në arenën ndërkombëtare.

“Nedim Bajrami është futbollist punëtor, i përkushtuar, dhe falë këtij përkushtimi ka arritur të prek majat evropiane. Është një nder i madh për Tetovën dhe gjithë shqiptarët që kemi një yll si ai në përfaqësuese,” u shpreh Kasami.

Ai shtoi se Bajrami, i cili tashmë ka hyrë në histori si golashënuesi më i shpejtë në një Kampionat Evropian, është burim frymëzimi për të rinjtë dhe dëshmi e suksesit që vjen nga puna e palodhshme.

“Tetova dhe gjithë shqiptarët janë krenarë me Nedim Bajramin,” përfundoi Kasami./Almakpress