Në Komunën e Tearcës po zhvillohen punimet për ndërtimin e sistemit të ujitjes së fushës bujqësore, një projekt madhor me vlerë prej 1.740.000 euro, i financuar nga Bashkimi Evropian përmes fondeve IPA dhe i menaxhuar nga Ministria e Bujqësisë, Pylltarisë dhe Ekonomisë së Ujrave.

Sistemi i ri do të mundësojë ujitjen e 330 hektarëve tokë bujqësore, duke përfshirë më shumë se 450 parcela, çka pritet të lehtësojë ndjeshëm punën e bujqve të zonës dhe të rrisë produktivitetin bujqësor.Kryetari i Komunës së Tearcës, gjatë vizitës në terren, theksoi rëndësinë e këtij investimi, duke u shprehur se:“Mbështetja e bujqve është ndër prioritetet tona kryesore. Me projekte të tilla, përmirësojmë jetën e qytetarëve dhe zhvillojmë ekonominë rurale të komunës sonë.”

Ky projekt konsiderohet një hap i rëndësishëm drejt zhvillimit të qëndrueshëm rural dhe përdorimit efikas të burimeve ujore në rajon.