Ka nisur protesta në Parkun e qytetit në Gjakovë me thirrjen për drejtësi për Daorsa Spahian.

Protestuesit po kërkojnë hetim të plotë e transparent për dhunën ndaj Daorsa Spahijas.

Poashtu është kërkuar që vdekja e Daorsës të trajtohet si vrasje dhe jo si vetëvrasje.

“Mos e ler vrasjen të quhet vetëvrasje! Femrat nuk duhet të kenë frikë nga dashuria. Ne nuk do të heshtim”, ishte thirrja që u bë në protestën për Daorsën.

Kujtojmë se studentja nga Gjakova, Daorsa Spahija u gjet e vdekur në Tetovë dhe sipas autoriteteve të Maqedonisë së Veriut, hetimet e para thonë që është vetëvrasje./Arbresh.info