Qeveria promovoi platformën e re për ndjekje të projekteve për zhvillim lokal të financuara nga Qeveria. Përmes një sistemi të tillë, siç tha kryeministri Hristijan Mickoski, të gjithë qytetarët, gazetarët e përfaqësuesit e sektorit civil do të munden që në kohë reale dhe transparente t’i ndjekin zhvillimet e projekteve të financuara nga Qeveria. Do të mund të ndiqet çdo projekt për marrëveshjet, afatet dhe faza e realizimit. Kryeministri njoftoi se janë filluar 288 projekte ndërsa 193 prej tyre kanë përfunduar.

“Transparenca për ne nuk është obligim formal. Është rregull thelbësor demokratik, bazë e stabilitetit dhe politikave të vërteta përgjegjëse. Në shoqëri e cila çdo ditë përballet me narrativ të rremë, dezinformata dhe manipulime, përgjigja e vetme është shtet i hapur me të dhëna të hapura. Për këtë, kjo platformë është projekt sekundar teknologjik, ndërsa mesazhi primar politik është: nuk kemi çfarë të fshehim sepse punojmë me ndërgjegje, në mënyrë transparente dhe në interes të qytetarëve”, tha Hristijan Mickoski.