Isen Shabani ka zyrtarizuar sot kandidaturën e tij për Kryetar të Komunës së Vrapçishtit për zgjedhjet lokale të 11 janarit. I shoqëruar nga ekipi dhe aktivistët e Aleancës Kombëtare për Integrim, Shabani dorëzoi dokumentet pranë institucionit kompetent.
Ai deklaroi se vizioni i tij për Vrapçishtin mbetet i qartë: zhvillim i qëndrueshëm, transparencë dhe projekte konkrete që ndikojnë drejtpërdrejt në jetën e qytetarëve.
“Na priftë e mbara!”, u shpreh Shabani, duke theksuar se fushata e tij do të fokusohet te rezultatet dhe besimi i komunitetit.