Në orët e para të mëngjesit të sotëm, në Qendrën Klinike në Shkup ka ndërruar jetë fëmija dyvjeçar që u plagos rëndë gjatë natës së Vitit të Ri. Sipas të dhënave paraprake, fëmija ishte goditur nga një plumb qorr, i cili dyshohet se u shkrep gjatë festimeve.

Nga Prokuroria Themelore Publike në Shkup kanë bërë të ditur se është lëshuar urdhër për obduksion të trupit, me qëllim zbardhjen e plotë të rrethanave të rastit dhe vazhdimin e procedurave hetimore.