Komuna e Çairit, në bashkëpunim me Ambasadën e Republikës së Kosovës, sjell në Shkup operën e parë kosovare “Goca e Kaçanikut”, një vepër me rëndësi të veçantë për trashëgiminë kulturore shqiptare.

Më 10 shkurt 2026, në ora 19:30, në skenën e Operës dhe Baletit Nacional, publiku do të ketë mundësinë të ndjekë për herë të parë këtë shfaqje operistike, e kompozuar nga Rauf Dhomi dhe me regji të Nikolin Gurakuqit. Opera do të interpretohet nga solistët, Kori dhe Orkestra e Operës së Kosovës.