Kryeministri i Republikës së Kosovës, Albin Kurti, po qëndron sot për vizitë zyrtare në Shkup, ku pritet të zhvillojë takime me përfaqësues të institucioneve shtetërore dhe të marrë pjesë në aktivitete zyrtare.

Ministria e Punëve të Brendshme e Maqedonisë së Veriut ka njoftuar se për shkak të kësaj vizite do të ketë ndryshime të përkohshme në regjimin e komunikacionit në disa pjesë të qytetit, veçanërisht në zonat ku do të lëvizin delegacionet zyrtare.

Sipas MPB-së, qytetarët dhe drejtuesit e automjeteve duhet të presin mbyllje të përkohshme të disa rrugëve, devijime të trafikut, si dhe kolona e vonesa në qarkullim, sidomos në qendër të Shkupit.

Autoritetet u bëjnë thirrje qytetarëve për mirëkuptim dhe këshillojnë përdorimin e rrugëve alternative për të shmangur vonesat.