Presidenti ukrainas Volodymyr Zelensky ka bërë të ditur se i ka propozuar homologut të tij rus Vladimir Putin një takim të drejtpërdrejtë gjatë samitit të G7, që do të mbahet në Francë ose në Shtetet e Bashkuara, me qëllim gjetjen e një zgjidhjeje për luftën katërvjeçare. "Ne i dërguam mesazh se jemi gati të takohemi me Putinin gjatë G7-ës, sepse aty janë Trump dhe Macron. Evropa dhe Shtetet e Bashkuara ranë dakord, por Rusia tregoi sërish se nuk është e gatshme të bisedojë", deklaroi Zelensky. Lideri ukrainas zbuloi gjithashtu se ka diskutuar me presidentin amerikan mundësinë e organizimit të një takimi në SHBA, në një format që do ta bënte më të vështirë refuzimin nga Kremlini. Kjo nismë vjen pas një letre të hapur që Zelensky i dërgoi Putinit këtë muaj, ku kërkonte bisedime ballë për ballë, ndërkohë që presidenti rus deklaroi se nuk sheh arsye për një takim të tillë. Në vijim të tensioneve, të paktën 10 persona humbën jetën nga sulmet ajrore ruse që goditën Kievin dhe qytetin verilindor të Kharkivit gjatë natës.