Tre emra të njohur të ekranit dhe rrjeteve sociale, Armina Mevlani, Engjëll Shkira dhe Ermal Mamaqi, po qarkullojnë si kandidatët më të përfolur për rolin e opinionistëve në edicionin e tretë të spektaklit “Ferma VIP”.

Sipas zërave që po qarkullojnë në rrjete sociale, këta emra pritet të jenë pjesë e panelit që do të komentojë zhvillimet e spektaklit, i cili pritet të nisë këtë të premte në Vizion Plus.

Deri më tani nuk ka një konfirmim zyrtar nga producentët e programit, ndërsa interesi i publikut për formatin duket të jetë në rritje me afrimin e datës së nisjes.