Deputetja Feride Haxhiu nga radhët e koalicionit VLEN ka bërë të ditur se është zhvilluar një takim pune me ushtruesen e detyrës së ambasadores së SHBA-së në vend, Nicole Varnes.

Sipas saj, takimi është realizuar së bashku me deputetët e Klubit për Çështje dhe Politika Rinore, në një frymë të hapur dhe konstruktive, ku në fokus kanë qenë çështjet me interes të përbashkët, veçanërisht avancimi i pozitës së të rinjve dhe rritja e pjesëmarrjes së tyre në proceset vendimmarrëse.

Haxhiu theksoi se mbeten të përkushtuar në hartimin dhe zbatimin e politikave që sjellin rezultate konkrete për të rinjtë dhe qytetarët, duke kontribuar në ndërtimin e një shteti të qëndrueshëm, demokratik dhe me perspektivë evropiane.