Kombëtarja shqiptare ka konfirmuar formacionin zyrtar për përballjen në Varshavë, duke i dhënë fund pritjes për 11-shen startuese.

Trajneri Sylvinho i ka besuar portën Thomas Strakosha, ndërsa në mbrojtje rreshtohen kapiteni Berat Gjimshiti dhe Arlind Ajeti në qendër, me Mario Mitaj në krahun e majtë dhe Elseid Hysaj në të djathtën.

Në mesfushë nuk ka ndryshime, me Kristjan Asllani, Qazim Laçi dhe Juljan Shehu që mbajnë peshën e lojës.

Në repartin ofensiv, Nedim Bajrami vendoset në rolin e organizatorit pas sulmuesve, i mbështetur nga Arbër Hoxha në krahun e majtë dhe Myrto Uzuni në të djathtin.

Formacioni pritet të jetë 4-3-3, me lëvizshmëri në sulm, ku Bajrami dhe Uzuni mund të ndërrojnë shpesh pozicionet gjatë lojës, duke i dhënë më shumë fleksibilitet repartit ofensiv.