Ministri i Punëve të Brendshme të Kosovës, Xhelal Sveçla, ka njoftuar se gjatë ditës së sotme janë zbuluar armë dhe pajisje ushtarake në veri të vendit. Sipas tij, zbulimet janë bërë në dy lokacione të ndryshme në Zubin Potok.

Në një reagim publik, Sveçla theksoi se aksionet kundër elementeve kriminale do të vazhdojnë pa ndërprerje. Ai u shpreh se “beteja kundër çdo celule terroriste nuk ndalet, si dje edhe sot”, duke shtuar se në zonë janë gjetur armatim, granata dore dhe pajisje të tjera ushtarake.

Ministri nënvizoi gjithashtu se institucionet do të vijojnë operacionet në terren deri në, siç tha ai, “çrrënjosjen totale të secilit element kriminal”, duke garantuar kontroll të plotë në çdo pjesë të territorit.