Një tjetër person i lënduar është dërguar në Qendrën Urgjente pas incidentit të ndodhur në Kisella Vodë, ku gjatë punimeve në një kantier ndërtimi ka pasur rrëshqitje dheu.

Sipas informacioneve, pacienti është 47 vjeç dhe ndodhet në gjendje stabile. Ai është sjellë në spital rreth 10 minuta më parë, duke iu bashkuar të lënduarve të tjerë nga i njëjti incident.

Nga ngjarja e mëhershme raportohet se një punëtor ka humbur jetën si pasojë e rrëshqitjes së dheut, ndërsa tre persona të tjerë janë lënduar gjatë punimeve në kantier.

Autoritetet po vijojnë hetimet për të sqaruar rrethanat e plota të aksidentit.

Burimi: SHENJA