Zëdhënësja e Shtëpisë së Bardhë, Karoline Leavitt, ka konfirmuar se i dërguari special amerikan Steve Witkoff dhe Jared Kushner do të udhëtojnë drejt Islamabad, në Pakistan, për të vijuar bisedimet me Iran.

Sipas BBC, delegacioni amerikan pritet të niset të shtunën në mëngjes për të zhvilluar negociata të reja në kryeqytetin pakistanez.

Ndërkohë, mediat ndërkombëtare kanë raportuar se ministri i Jashtëm i Iranit, Abbas Araqchi, ishte parashikuar të vizitonte Islamabadin gjatë ditës së premte për të diskutuar propozimet mbi rifillimin e dialogut me Shtetet e Bashkuara, por pa një takim të planifikuar me negociatorët amerikanë.

Lëvizjet e fundit diplomatike shihen si përpjekje për të rihapur kanalet e komunikimit mes palëve dhe për të avancuar drejt një marrëveshjeje të mundshme.