Në Kosova, Kuvendi pritet të mblidhet sot për të trajtuar çështjen e zgjedhjes së presidentit të ri, vetëm një ditë para skadimit të afatit kushtetues për këtë proces.

Partia në pushtet Lëvizja Vetëvendosje ka kërkuar nga opozita, Partia Demokratike e Kosovës dhe Lidhja Demokratike e Kosovës, që të propozojnë emra jopartiakë për president, në përpjekje për të gjetur një zgjidhje konsensuale.

Ndërkohë, PDK ende nuk ka konfirmuar nëse do të marrë pjesë në seancë. Në një komunikim me mediat, përfaqësues të grupit parlamentar të kësaj partie nuk kanë dhënë përgjigje për pjesëmarrjen në mbledhjen e sotme.

Nga ana tjetër, LDK ka bërë të ditur se nuk do të marrë pjesë në seancën e jashtëzakonshme, e cila është paraparë të nisë në orën 17:00.

Sipas vendimit të Gjykata Kushtetuese e Kosovës, nëse Kuvendi nuk arrin të zgjedhë presidentin deri më 28 prill, vendi shkon në zgjedhje të reja brenda 45 ditësh.