Konsumi i derivateve të naftës në vend ka shënuar rritje gjatë vitit 2025, ndërsa benzina rezulton me rritjen më të madhe krahasuar me vitin paraprak. Sipas raportit të Komisioni Rregullator për Energjinë, Shërbimet e Ujit dhe Shërbimet e Menaxhimit të Mbeturinave Komunale, konsumi i benzinës është rritur me 8.34 për qind.

Rritje është regjistruar edhe te nafta me 5.17 për qind, gazi i lëngshëm i naftës me 3.55 për qind dhe vaji ekstra i lehtë me 2.23 për qind. Ndërkohë, rënie e konsiderueshme është evidentuar te karburanti për avionë me 53.29 për qind.

Të dhënat tregojnë se shitjet e derivateve në tregun vendas janë rritur me 4.88 për qind brenda një viti, ndërsa dizeli vazhdon të dominojë me mbi 74 për qind të konsumit total.