Deputeti Daut Haradinaj ka bërë thirrje publike për një tubim të së hënës, më 18 maj, në orën 16:30, në mbështetje të studentëve shqiptarë në Maqedoninë e Veriut. Shkak për protestë është mohimi i të drejtës së studentëve për ta dhënë provimin e Jurisprudencës në gjuhën shqipe, e drejtë kjo që, sipas Haradinajt, u garantohet me ligj dhe me Kushtetutë.

"Kjo nuk është vetëm çështje studentësh. Kjo është çështje dinjiteti, barazie dhe respektimi të të drejtave themelore," shkruan ai, duke shtuar se "nuk mund të ketë drejtësi pa gjuhën shqipe" dhe se "nuk mund të ketë shtet të barabartë kur shqiptarëve u mohohet e drejta për t'u testuar në gjuhën e tyre amtare."

Tubimi do të mbahet të hënën, më 18 maj, në orën 16:30.