Presidenti amerikan Donald Trump, i cili ndodhet në një vizitë zyrtare në Kinë, dhe Presidenti kinez Xi Jinping vizituan së bashku Tempullin e Qiellit në Pekin, në një moment që shënon një prej takimeve më simbolike ndërmjet dy liderëve më të fuqishëm të botës.

Xi Jinping e mikpriti Trumpin në Sallën e Lutjes për të Korra të Mira, një nga monumentet më të njohura të arkitekturës kineze. Të dy krerët e shteteve pozuan për një foto në sheshin qëndror dhe më pas vizituan së bashku sallën, në një gjest që nënvizon karakterin e veçantë të kësaj vizite.