Njëmbëdhjetë persona janë privuar nga liria në Shkup pasi te ta është gjetur substancë e dyshuar narkotike. Sipas Ministrisë së Punëve të Brendshme, gjatë ditëve 16 dhe 17 qershor 2026, në lokacione të ndryshme të kryeqytetit, nëpunës policorë nga SPB Shkup kanë ndaluar E.R. (21), A.J. (37), M.N. (29), M.R. (23), R.S. (44) dhe I.O. (24), të gjithë nga Shkupi, A.B. (19) nga fshati Sopishtë, A.B. (43), R.Sh. (48) dhe A.N. (42), të gjithë nga fshati Katllanovë, si dhe K.A. (41) nga fshati Çellopek i rrethinës së Tetovës.

Nga MPB bëjnë të ditur se gjatë kontrolleve të kryera te personat e ndaluar janë gjetur dhe sekuestruar një substancë pluhurore e bardhë, një substancë e ngurtë e bardhë, si dhe marihuanë.

Tutje në njoftim thuhet se pas dokumentimit të plotë të rasteve, ndaj të gjithë personave të përfshirë do të ngrihen parashtresa përkatëse penale.

Burimi: Alsat.mk