Kryeministri i Kosova, Albin Kurti, përkujtoi 27-vjetorin e masakrës së Krushës së Madhe, duke nderuar viktimat e luftës dhe duke kërkuar drejtësi për krimet e kryera.

Ai theksoi se në këtë përvjetor përkujtohen me dhimbje civilët e vrarë në Krushë të Madhe, Krushë të Vogël, Suharekë, Padalishtë, Landovicë dhe Gjakovë, duke rikujtuar përmasat e tragjedisë që goditi këto zona më 26 mars 1999. Sipas tij, këto ngjarje mbeten dëshmi e krimeve të rënda, ndërsa theksoi se “në këtë 27-vjetor nderojmë kujtimin e të vrarëve”, duke shtuar se drejtësia mbetet domosdoshmëri morale, juridike dhe historike.

Kurti nënvizoi se shteti ka përgjegjësi të dyfishtë, ndaj së kaluarës për të dokumentuar dhe kërkuar llogari për krimet, si dhe ndaj së ardhmes për të ndërtuar paqe të qëndrueshme dhe një jetë më të mirë për brezat e rinj. Ai shtoi se përkujtimi i viktimave mbetet udhërrëfim për angazhimin institucional dhe qytetar në shërbim të Republikës.