Kombëtarja shqiptare ka nisur sot udhëtimin drejt Valencias ku do të vijojë përgatitjet për ndeshjen ndaj Ukrainës më 31 mars. Dy lojtarë nuk do të udhëtojnë me ekipin: Arlind Ajeti dhe Ylber Ramadani.

Arlind Ajeti u zëvendësua gjatë pjesës së parë të ndeshjes Poloni – Shqipëri dhe sipas vlerësimeve të para ka pësuar një luksacion të shpatullës së majtë. Ai do të kthehet në klub për vlerësime të mëtejshme. Ndërkohë, Ylber Ramadani do të mungojë pasi gruaja e tij është shtatzënë dhe gati për të lindur.

Burimi: Top Channel