Një person është arrestuar në Pejë, pasi dyshohet se ka ofenduar familjen Haradinaj përmes një publikimi në rrjete sociale.

Sipas Policia e Kosovës, i dyshuari ka postuar një video në të cilën fyente familjen Haradinaj, ndërsa ndaj tij rëndojnë veprat penale “ngacmim” dhe “armëmbajtje pa leje”.

“Është arrestuar i dyshuari mashkull kosovar, për shkak se në rrjetin social ka postuar një video incizim duke ofenduar familjen Haradinaj”, thuhet në njoftimin zyrtar.

Gjatë kontrollit në banesën e tij, policia ka gjetur dhe sekuestruar dy pistoleta, njëra prej të cilave me katër fishekë.

I dyshuari është intervistuar dhe, me vendim të prokurorit, i është caktuar masa e ndalimit për 48 orë.

Burimi: Klan Kosova