Në Tiranë po zhvillohet Samiti i Diasporës, ku pjesëmarrëse është edhe kryetarja e Komunës së Preshevës, Ardita Sinani.

Në një mesazh drejtuar qytetarëve, ajo theksoi se Lugina e Preshevës ka nevojë për një zgjidhje afatgjatë dhe të qëndrueshme, që garanton barazi reale për qytetarët shqiptarë në atë rajon.

Ajo u shpreh se në një kohë kur Europa ndërton ura, Lugina përballet me mure të padukshme, duke e cilësuar rajonin si një urë lidhëse dhe një potencial për zhvillim, por shtoi se asnjë vizion nuk mund të ndërtohet pa unitet.

Sinani vlerësoi gjithashtu rolin e diasporës, duke e cilësuar atë si një forcë të jashtëzakonshme, ndërsa theksoi se Shqipëria dhe Kosova mbeten shtylla të forta të sigurisë kombëtare.