Presidenti i Shteteve të Bashkuara të Amerikës, Donald Trump, dhe presidenti kinez, Xi Jinping, pritet të zhvillojnë gjatë kësaj jave një takim të rëndësishëm në Kinë, ku në qendër të diskutimeve do të jenë çështjet globale të sigurisë dhe ekonomisë.

Sipas raportimeve të Reuters⁠�, dy liderët do të diskutojnë për zhvillimet rreth Iranit, tensionet mbi Tajvanin, inteligjencën artificiale dhe armët bërthamore, ndërsa po shqyrtohet edhe mundësia e zgjatjes së marrëveshjes strategjike për mineralet.

Takimi do të shënojë bisedën e parë ballë për ballë mes Trump dhe Xi pas më shumë se gjashtë muajsh, në një periudhë kur marrëdhëniet mes dy superfuqive vazhdojnë të jenë të tensionuara për shkak të tregtisë, zhvillimeve në Lindjen e Mesme dhe çështjeve të sigurisë globale.

Zyrtarë amerikanë kanë bërë të ditur se vizita dyditore e Trump në Kinë konsiderohet një përpjekje për të stabilizuar raportet mes dy ekonomive më të mëdha në botë dhe për të shmangur përshkallëzimin e mosmarrëveshjeve në disa fronte ndërkombëtare.